Ngjarja ndodhi në një organizatë mikrofinanciare në Rrugën “Akaki Tsereteli” në Tbilisi
Një sulmues i armatosur me një granatë dore mori peng 9 persona në kryeqytetin gjeorgjian Tbilisi, transmeton Anadolu Agency (AA).
Vaja Siradze, kreu i Departamentit të Policisë Gjeorgjiane të Patrullës, tha se ngjarja ndodhi në një organizatë mikrofinanciare në Rrugën “Akaki Tsereteli”.
Nuk ishte menjëherë e qartë se cilat ishin kërkesat e sulmuesit.
Duke konfirmuar incidentin, Ministria e Punëve të Brendshme tha se ka filluar një hetim.