Klix.ba ekskluzivisht publikon një fotografi të letrës së Kryetarit të Presidencës së Bosnjës dhe Hercegovinës, Milorad Dodik, dërguar Presidentit të Kosovës, Hashim Thaçi, për Samitin e Procesit të Bashkëpunimit në Evropën Juglindore (SEECP), i cili këtë vit mbahet në Bosnje dhe Hercegovinë.
Pas publikimit të informacionit nga Klix.ba se Dodik kishte ftuar Presidentin e Kosovës, nga zyra e tij u lëshua një deklaratë ku thuhet se Kosova nuk është ftuar si shtet i pavarur, por si “subjekt i papërcaktuar me fusnotë”.
Jo ndryshe, por njësoj
Reagimi i kabinetit të Dodikut pas shkrimit të Klix.ba: Kosova është ftuar, por jo si shtet i pavarur.
Megjithatë, mënyra si Dodik i drejtohet Thaçit në letër tregon se ai është i kënaqur që ka nderin të ftojë Presidentin e Kosovës. Në reagimin e kabinetit të Dodikut mbrëmë u theksua se ftesa ishte bërë nga Presidenca e Bosnjës dhe Hercegovinës, dhe jo nga anëtari individual i Presidencës. Por, përmbajtja e letrës tregon diçka ndryshe.
Në fillim të letrës, Dodik thotë se ka nderin të ftojë Thaçin në konferencën që do të mbahet në Sarajevë më 9 korrik.
Samiti i SEECP-së
Milorad Dodik fton Presidentin e Kosovës Hashim Thaçi për të vizituar Bosnje dhe Hercegovinën.
“Jam i kënaqur që mund t’ju ftoj në darkën për liderët e delegacioneve që organizohet nga Presidenca e Bosnjës dhe Hercegovinës më 8 korrik,” shkruhet, ndër të tjera, në letër.
Në fund të letrës, Dodik thekson rëndësinë e Hashim Thaçit në arenën ndërkombëtare dhe shton se prania e tij personale në Sarajevë në konferencë do të ndihmojë ndjeshëm në definimin e sfidave me të cilat përballet kontinenti.
Në të vërtetë, në letër Dodik ka shmangur përmendjen e drejtpërdrejtë të Kosovës, por është e qartë se nuk ka rezistuar t’i dërgojë një ftesë të përzemërt Presidentit të Kosovës. Megjithatë, në letër nuk përmendet as fusnota e famshme për të cilën ai foli në kontekstin e mosnjohjes së Kosovës nga Bosnja dhe Hercegovina. /Gazeta e Re
