Studiuesit e Kyoto University kanë kaluar në fazën e testimeve tek njerëzit për ilaçin që mundëson rritjen e sërishme të dhëmbëve. Synohet që ilaçi të dalë në përdorim deri në vitin 2030.
Shkencëtarët japonezë kanë tërhequr vëmendjen me një ilaç që mund të bëjë të mundur daljen e sërishme të dhëmbëve të humbur.
Smaltit të dhëmbëve, struktura më e fortë në trupin e njeriut, ndryshe nga kockat e thyera, nuk mund të rigjenerohet vetvetiu.
Megjithatë, kjo terapi e re ka potencialin të ndryshojë plotësisht qasjen ndaj humbjes së dhëmbëve.
TESTET TEK KAFSHËT REZULTUAN POZITIVE
Ilaçi i zhvilluar në kuadër të Kyoto University fokusohet në bllokimin e efektit të proteinës së quajtur “USAG-1”.
Studiuesit zbuluan se kjo proteinë pengon zhvillimin e dhëmbëve tek minjtë dhe nuselalat.
Me teknologjinë e antitrupave monoklonalë, e përdorur shpesh edhe në trajtimet kundër kancerit, u zhvillua një formulë e re.
Trajtimi synon të aktivizojë mekanizmin natyror të trupit për krijimin e dhëmbëve të rinj duke ndërprerë ndërveprimin mes USAG-1 dhe proteinave që luajnë rol në zhvillimin e kockave.
Në testet e kryera tek kafshët u vërejt me sukses formimi i dhëmbëve të rinj.
OBJEKTIVI: VITI 2030
Testimet e para klinike tek njerëzit filluan në shtator të vitit 2024.
Në fazën e parë, trajtimi po aplikohet përmes rrugës intravenoze tek 30 vullnetarë meshkuj të moshës 30 deri në 64 vjeç, të cilëve u mungon të paktën një dhëmb.
Ekipi hulumtues vlerëson se nëse proceset klinike vazhdojnë sipas planit, ilaçi mund të dalë në përdorim të gjerë rreth vitit 2030.
