Presidenti serb Aleksandar Vuçiq ka pagëzuar sot në kishën e Shën Savës Llazar Jankoviqin nga Kosova.
Këtë e ka bërë të ditur presidenti i Serbisë në profilin e tij në Instagram.
“Vitin e kaluar prita në Presidencë Llazarin e vogël dhe familjen e tij, foshnjën e njëmijtë që lindi në maternitetin në Pasjan, në Kosovën tonë. Ndërkohë Llazari është rritur vërtet dhe unë si kumbar krenar sot marr përsipër një nga detyrat më të shenjta. Pagëzimi është një bekim i madh nga Zoti për Llazarin dhe një përgjegjësi e madhe për mua, sepse kumbaria në kombin tonë është shumë më tepër se zakon dhe traditë – është një betim jete, një simbol i mbrojtjes dhe dashurisë, si dhe kujdesi për edukimin. Kjo është arsyeja pse kjo ditë është kaq e rëndësishme në jetën time. Gëzuar për ne, Llazar! Dhe se çdo vit tjetër do të ketë sa më shumë fëmijë në Serbinë tonë të bukur!”, ka shkruar Vuçiq.
Për kujtesë, sot është Dita Ndërkombëtare e Përkujtimit të Viktimave të Gjenocidit të Srebrenicës, shkruan Danas, transmeton Gazeta Express.
Në emër të Serbisë, në përkujtimoren në Potoçari, me rastin e 29 vjetorit nga gjenocidi, ishte i pranishëm vetëm një përfaqësues i Qeverisë së Serbisë, pikërisht Usama Zukorliq.
Zukorliq është ministër pa portofol përgjegjës për pajtimin, bashkëpunimin rajonal dhe stabilitetin social.
