Sulmuesi italian Graziano Pelle i ka propozuar për martesë partneres së tij Viky Varga në Dubai. Ish sulmuesi i Shandong , i befasoi të gjithë duke kërkuar dorën e hungarezes me një propozim magjepsës që shpërtheu mediat sociale.
” Unë dua të falënderoj Graziano për propozimin më të bukur dhe unazën më të shkëlqyer që mund të imagjinoja ndonjëherë. Ju bëtë një punë të shkëlqyeshme duke planifikuar gjithçka. Ishte thjesht perfekte. Unë po pres me padurim këtë aventurë dhe të gjitha ato që janë ende për të ardhur” ishte ky mesazhi me tw cilin Viky Varga falënderoi partnerin e saj Graziano Pellè .
Çifti, shumë i dashur në botën e internetit, i mahniti të gjithë përmes storyve në Instagram nga Viky Varga e cila dokumentoi hap pas hapi atë që ishte organizuar.
Më pas ajo bëri një postim që portretizon çiftin duke formuar një zemër me duart e tyre, pasuar nga mbishkrimi: “Unë thashë po!”. Tani Graziano dhe Viky janë gati të hedhin hapin e madh dhe ndoshta e ardhmja e tyre mund të jetë në Torino.
