Shtetasja e Shqipërisë tentoi të fuste në Turqi flori shufër, bizhuteri të ndryshme, ora dore dhe monedha osmane në një çantë të veçantë të cilin e kishte fshehur në bar
Një shtetase e Shqipërisë u kap në Aeroportin e Stambollit përderisa tentoi të fuste në Turqi flori shufër, bizhuteri të ndryshme, ora dore dhe monedha osmane në një çantë të veçantë të cilin e kishte fshehur në bark
Shtetasja F.R. e cila më 14 janar me avion arriti në Terminalin e Mbërritjeve Ndërkombëtare të Aeroportit të Stambollit, fillimisht kaloi në pikën e kontrollimit të pasaportës për të hyrë në Turqi. Policia e aeroportit ndaloi pasagjeren pas një dyshimi. Në kërkimin e bërë, nën rrobat e saj është zbuluar një çantë e veçantë e vendosur në bark për të dhënë përshtypjen e një barku.
Në çantë janë konfiskuar 14 ora dore të markave të ndryshme, gjithsej 588 gramë bizhuteri të përbërë nga unaza ari, gjerdan dhe vathë, flori shufër prej 3 kilogramë e 117 gramë, 73 monedha dhe gjithsej 104 gramë ar në formën e 8 shufreve të vogla. Pas ekzaminimit të bërë, u mësua se monedhat ishin të periudhës osmane.
F.R. është arrestuar dhe pas procedurave në polici është dërguar në gjykatë.
Momenti i arrestimit të të dyshuarës, e cila u lirua me kusht të kontrollit gjyqësor, është regjistruar nga kamerat e sigurisë së aeroportit.
