Menaxheri 70-vjeçar do të drejtojë skuadrën turke të futbollit për të dytën herë.
Besiktaş-i sot nënshkroi kontratë me ish-menaxherin Şenol Güneş për të drejtuar ekipin e futbollit të Istanbul-it deri në fund të sezonit 2023-24, raporton Anadolu Agency (AA).
Besiktaş-i postoi një video në Twitter me një përmbledhje të momenteve kryesore të qëndrimit të tij të mëparshëm me ekipin gjatë periudhës 2015-2019.
Güneş, i cili rikthehet si trajner për herë të dytë, udhëhoqi klubin e Istanbul-it drejt fitores së dy titujve të Superligës (2016, 2017).
Menaxheri 70-vjeçar më parë ka drejtuar kombëtaren turke, Trabzonspor-in dhe FC Seul-in të Koresë së Jugut.
Gjatë karrierës së tij, arritja e tij më e madhe ishte vendi i tretë i Türkiye-s në Kupën e Botës 2002 në Korenë e Jugut dhe Japoni.
Të enjten, Besiktaş-i u nda me trajnerin Valerien Ismael për shkak të rezultateve të dobëta.
Shqiponjat e Zeza aktualisht kanë 19 pikë dhe zënë vendin e pestë të renditjes së Superligës Turke.
