Javën e kaluar, video u bë virale duke treguar një grup delesh në një fermë në Kinë duke ecur në formë rrethi për 12 ditë rresht.
Pronari i fermës kishte thënë në atë kohë se nuk mund ta kuptonte pse kjo sjellje ishte zhvilluar me shkencëtarët pasi videoja origjinale e publikuar nga kanali kinez People’s Daily i kontrolluar nga shteti thoshte se delet ishin të shëndetshme.
Nuk u desh shumë, në fakt, që të zhvillohen teori konspirative që shkuan aq larg sa të flitej për një shenjë që tregonte fundin e botës.
Sipas shkencëtarëve, megjithatë, shpjegimi i sjelljes së deleve ka shkaqe krejtësisht të natyrshme dhe nuk lidhet me sëmundjen listeriozë, e cila mund të shkaktojë çorientim te kafshët dhe t’i bëjë ato të krijojnë shtigjet rrethore, pasi të gjitha kafshët e prekura prej saj ngordhin në 48 orë.
“Duket se këto dele kanë qenë në këtë kullotë për një periudhë të gjatë kohore dhe kjo mund t’i ketë bërë ato të adoptojnë një sjellje stereotipe me ciklin e përsëritur për shkak të stresit që u ka krijuar izolimi i tyre i gjatë,” tha profesori Matt Bell në Departamenti i Bujqësisë në Universitetin e Gloucester.
Pasi filluan disa dele, më pas u bashkuan të tjera pasi janë kafshë që jetojnë në tufa dhe duan të jenë me ‘miqtë’ e tyre”, shtoi profesori britanik.
Siç thuhet në Manualin Veterinar Merck, sjellja sociale e deleve dominohet nga modeli i tufës në të cilin lëvizjet e kafshëve kontrollohen dhe njësitë mbrohen nga gjuetarët duke u larguar nga rreziku si grup.
