Një stuhi e fortë në të cilën dy persona vdiqën shkatërroi Zagrebin, shumë ndërtesa mbetën pa çati, rrugët u përmbytën dhe shumë pemë u shkulën dhe u thyen.
Vetëm një orë pas stuhisë së paprecedentë, dielli doli sërish dhe ndriçoi rrugët e kryeqytetit kroat.
Në disa pjesë të qytetit, për shkak të temperaturave të larta, rrugët tashmë janë të thata dhe në pamje të parë duket sikur skenat apokaliptike as nuk kanë ndodhur.
Klimatologu Zvonimir Katušin tha për portalin 24 sata se nuk kishte parë kurrë një stuhi si kjo, duke deklaruar se kishte fuqinë e një bombe atomike.
“Ai jostabilitet i madh krijoi kushte të favorshme për shfaqjen e kësaj situate. Kur shpërthen, ndoshta ka fuqinë e një bombe atomike. Pyetja nuk është nëse do të ketë apo jo një ndikim të fortë, por sa i fortë do të jetë ai. “tha ai më herët.
