Gjatë fjalimit të jashtëzakonshëm të presidentit dhe anëtarëve të Qeverisë së Serbisë, Aleksandar Vuçiq paralajmëroi masa dhe aktivitete të reja që synojnë çarmatosjen e vendit. Përveç kësaj, ai kishte një propozim që u prit me mosmiratim.
Përkatësisht, përveç aktiviteteve që Vuçiq urdhëroi Ministrinë e Punëve të Brendshme të Serbisë dhe Ministrinë e Drejtësisë, Presidenti i Serbisë propozoi edhe kthimin e dënimit me vdekje për anëtarët e qeverisë.
Mirëpo, siç tha vetë, nuk ka gjetur mbështetjen e kryeministres Ana Brnabiq dhe zyrtarëve të tjerë në Qeverinë e Serbisë.
“Këtë mëngjes i propozova kryetarit të Qeverisë së Serbisë që ta kthejmë dënimin me vdekje. Dikur kam qenë kundër dënimit me vdekje. Më vjen keq që kam një qëndrim të tillë politik”, tha Vuçiq.
Mirëpo, për shkak të dispozitave të Konventës Evropiane për të Drejtat e Njeriut dhe faktit se Serbia së bashku me Bjellorusinë do të ishin i vetmi vend me dënim me vdekje, ky propozim i tij nuk u mbështet nga Brnabić.
Kujtojmë se në Serbi fillimisht të mërkurën, e më pas mbrëmë kanë ndodhur dy vrasje masive në të cilat kanë mbetur të vrarë 15 persona. Për këtë, Vuçiq paralajmëroi një sërë masash dhe aktivitetesh të reja, në radhë të parë me qëllim të ashpërsimit të masave për personat që posedojnë armë.
