Ish shefi agjencisë së inteligjencës së Serbisë e lideri i Lëvizjes Socialiste të Serbisë, Aleksandar Vulin, është lëshuar në fushatë të kërcënimit të rajonit me destabilizim me thirrjet fashiste të një zgjidhjeje të çështjes kombëtare serbe përmes themelimit të ‘botës serbe’, transmeton Gazeta Metro.
Vulin në tubimin elektoral të kësaj partie mes tjerash përsëriti se Serbia “ që i prin Aleksandar Vucic nuk do ta pranojë të ashtuquajturën Kosovë, nuk do t’i vë sanksione Federatës Ruse dhe nuk do të heqë dorë nga Republika Srpska dhe serbët në Mal të Zi”.
Media Slbodna Bosnja shkruan se Vulin po thërret për “botën serbe”.
“Vulin thotë se është koha që serbët të zgjidhin çështjen e tyre kombëtare dhe se kjo zgjidhjet me themelimin e botës serbe”. Ky portal shkruan tutje se Vulin i ka fryrë edhe euro-skepticizmit kur tha se Bashkimi Europian i sotëm na qenka një “grumbullim territoresh, dhe se Serbia është shtet pasi e udhëheqë një lider i lirë”.Vulin tutje vazhdoi me propagandën anti-perëndimore pro-ruse duke e ndjekur votën ekstremiste se kjo gjeneratë serbësh e paska obligim historik të themelojë një “bashkësi shtetërore serbe”. Fillimisht ai shau opozitën serbe “baltën e pesë tetorit” që e shkatërruan dhe e shitën shtetin serb” shkruan portali boshnjak Faktor.
“Bota serbe është zgjidhja përfundimtare e çështjes kombëtare serbe. Vetëm me themelimin e ‘botës serbe’ mund të ruajmë popullin serb. Ky është moment historik i kësaj gjenerate. Bota po ndryshom në pakthim dhe për të mirë. Kurrë më s’do të ketë botë unipolare ku vendos vetëm një krye. Natyrisht që synimi i bashkimit të serbëve do të realizohet kur në Serbi të sundojnë ata të cilët e kuptojnë këtë qëllim. Këtu në Beograd gjithmonë duhet të ketë një president i gjithë serbëve, e presidenti i të gjithë serbëve është Aleksandar Vucic” tha Vulin.
Në Serbi me 17 dhjetor mbahen zgjedhje të jashtëzakonshme parlamentare dhe lokale. Partia e Vulin ka garuar dhe përfshirë në koalicion me Partinë Progresive të Serbisë të prirë nga Vucic, që dha dorëheqje nga kreu i saj këtë vit por bën fushatë si president vendi megjithëse nuk i lejohet me kushtetutën serbe./gazetametro.net
