Dy persona kanë humbur jetën dhe tre janë plagosur mëngjesin e sotëm në Cetinje të Malit të Zi, pasi një mjet shpërthyes është aktivizuar jo shumë larg Qendrës Sportive, ka konfirmuar policia malazeze.
Dy punëtorë të argjilës kanë mbetur të vdekur, nga forca e shpërthimit janë thyer xhamat e godinës
Shpërthimi ka ndodhur rreth orës 09:10 dhe forca e shpërthimit ka plasur xhamat e godinës së Qendrës Sportive.
Sipas informacioneve jozyrtare të Vijesti.me, janë vrarë anëtarët e klanit famëkeq kriminal Skaljar, Petar Kalugjeroviq dhe Dragan Roganoviq.
Njëri prej tyre ka ndërruar jetë në vend. Sipas një burimi nga kreu i Drejtorisë së Policisë, i dyti më pas i është nënshtruar plagëve të marra.
Sipas mediave malazeze, njëri prej të vrarëve është liruar së fundmi nga burgu.
Dy të plagosurit janë gjithashtu anëtarë të klanit Skaljar. E plagosura e tretë është një e moshuar që po kalonte në rrugë
Vijesti.me ka mësuar se në mesin e të lënduarve janë Taso Jovanoviq dhe Mihajlo Borozan nga Cetinja. Sipas të dhënave operative të policisë, dy të plagosurit janë edhe anëtarë të klanit të grupit të organizuar kriminal Škaljrski.
I lënduari i tretë është një e moshuar nga Cetinja, e cila në momentin e shpërthimit ka qenë duke kaluar nëpër atë rrugë. Lajmet mësohet se ajo është transportuar në Qendrën Klinike në Podgoricë.
Me muaj të tërë u frikësua se diçka e tillë mund të ndodhte në Cetinje
“Në vendngjarje kanë shkuar menjëherë punonjësit e policisë, i cili është siguruar. Për zbardhjen e të gjitha rrethanave dhe fakteve dhe zbardhjes së kësaj ngjarjeje, punonjësit e Drejtorisë së Policisë, në koordinim me Prokurorinë e Lartë të Shtetit, Podgorica, janë duke ndërmarrë masa dhe veprime intensive hetimore, për të cilat do të njoftohet me kohë opinioni për rrjedhën dhe rezultatin”, njofton zyrtarisht policia.
Policia me muaj të tërë kishte frikë se diçka e tillë mund të ndodhte në Cetinje pasi një numër i madh i anëtarëve të klaneve kriminale janë në arrati në gjysmë viti i kaluar, shkruan Vijesti.
Shumica e tyre janë liruar nga paraburgimi për shkak se gjykata nuk ka nxjerrë as aktgjykim të shkallës së parë tre vjet pas caktimit të paraburgimit. Numri më i madh i personave, të cilët policia i ka cilësuar si anëtarë të grupit të përbashkët kriminal, gjendet në Cetinje.
Një anëtar i familjes së viktimës ka thyer xhamin e makinës së policisë?
Një hetim policor është duke u zhvilluar.
Makinës së policisë i është thyer xhami i përparmë. Dyshohet se është thyer nga një familjar i një prej viktimave.
Më shumë se 60 persona janë vrarë në luftën mes dy klaneve
Lufta mes dy klaneve më të mëdha kriminale në Mal të Zi, Škaljar dhe Kavaç, filloi 10 vjet më parë me zhdukjen e një ngarkese prej 200 kilogramësh kokainë në Valencia të Spanjës.
Që atëherë, më shumë se 60 njerëz janë vrarë.
Dy liderët e këtyre dy klaneve kriminale, Igor Vukotiqi dhe Radoje Zvicer, janë në arrati.
Klanet kriminale Skaljar dhe Kavak i kanë marrë emrat e tyre nga rrethinat e qytetit të Kotorrit, prej nga vijnë drejtuesit e tyre.
