Federata e Futbollit e Kosovës e ka përmbyllur procesin e licencimit nga Ministria e Kulturës, Rinisë dhe Sportit, sipas udhëzimit të ri administrativ për licencimin e federatave.
Ashtu siç raportoi këtë të premte Gazeta Express, licencimi i FFK-së është bërë sot.
Procesi i licencimit të FFK-së është stërgjatur me muaj të tërë, ku dëmi më i madh iu bë klubeve, të cilat nuk përfituan financiarisht nga Ligji për Sponsorizim.
Komisioni i Licencimit i kishte vënë disa kritere, të cilat FFK-ja për një periudhë të gjatë nuk arriti t’i plotësonte.
Federata e Futbollit e Kosovës është përfshirë në skandal kryesisht për shkak të akuzave të ngritura ndaj kreut të saj Agim Ademi që u arrestua në fund të muajit mars.
