Ministria e Punës dhe Veteranëve dhe Mbrojtjes së Aftësisë së Kufizuar e Republikës së Serbisë njoftoi se shfaqja e një fotografie të një gruaje boshnjake nga Žepa si pjesë e materialit video që shoqëroi përkujtimin e 28 vjetëve që nga vuajtja e serbëve në Oluja ishte “një gabim i paqëllimshëm i agjencisë nga Serbia që ka përgatitur video-materialin”.
Ata shtuan se agjencia është e angazhuar nga Ministria e Punës, Punësimit, Veteranëve dhe Çështjeve Sociale të Serbisë.
“Ministria beson se përkujtimi i 28 vjetëve nga vuajtjet e popullit serb gjatë ‘aksionit kriminal të Ushtrisë Kroate’ ishte dinjitoze dhe se mesazhet e dërguara ishin të përshtatshme për përmasat e tragjedisë që pësoi popullin e ‘Republikës’ të Krajinës Serbe si dhe popullit të Krajinës së Lartë”.
Kujtojmë se gjatë përkujtimit të përvjetorit të “Stuhisë” në Prijedor, ku morën pjesë zyrtarë të Serbisë dhe entitetit Republika Srpska, në njërin prej paneleve u shfaq një fotografi e realizuar në Zhepa në vitin 1995.
Foto nga kremtimi i përvjetorit të “Oluja” në Prijedor është publikuar nga presidenti i entitetit të RS Milorad Dodik në llogarinë e tij zyrtare në Twitter.
Fotoja e gruas me fëmijë pas Dodikut është bërë në fakt në Bosnje dhe Hercegovinë. Fotografi i AFP-së Joel Robine bëri një fotografi të Sabina Mujkiç, një grua që së bashku me mijëra boshnjakë të tjerë u dëbuan nga Zhepa më 27 korrik 1995.
