Ministri gjerman i Mbrojtjes, Boris Pistorius po qëndron në Serbi ku edhe është takuar me Kryeministrin serb, Aleksandër Vuçiq.
Pas këtij takimi, ai në një konferencë për media ka përmendur vizitën e tij në Kosovë.
Ai tha se gjatë qëndrimit në Prishtinë ka bërë thirrje për dialog dhe që çdo masë legjitime të implementohet në atë mënyrë që askush s’do të dëmtohet, e këtë e ka sqaruar duke thënë se e ka fjalën për dinarin.
Sa i përket dialogut të Brukselit, Pistorius ka thënë se ai duhet të vazhdojë me një përkushtim të madh dhe se Kosova dhe Serbia duhet të implementojnë marrëveshjet, shkruan “Novosti”, transmeton lajmi.net.
Ai ka thënë është falendërues për deklarimet e qarta të presdientit të Serbisë, Aleksander Vucic dhe për garancinë që të mos pritet asgjë negative nga Serbia.
Ministri gjerman ka thënë se një qëndrim i tillë i Vuçiq është shumë i rëndësishëm për të si ministër gjerman.
“Dialogu nën patronazhin e BE-së duhet të vazhdojë me përkushtim të madh. Kosova dhe Serbia duhet të zbatojnë marrëveshjet. Unë i jam mirënjohës presidentit dhe ai më siguroi se nuk duhet të presim ndikim negativ nga serbët që nuk do të kërcënojnë stabilitetin në rajon dhe kjo është shumë e rëndësishme për mua”, ka thënë Pistorius.
