Edhe pse prej vitesh Volvo suedeze ka gëzuar reputacionin e markës më të sigurt të makinave, këtë vit ka pasur një ndryshim në krye. Për më tepër, janë më pak modelet evropiane në listë.
Organizata kryesore evropiane e sigurisë EuroNCAP testoi 60 automjete të reja këtë vit, dhe ADAC gjerman sapo ka analizuar rezultatet, kështu që ne kemi një listë të modeleve që janë në krye të automjeteve më të sigurta këtë vit.
Ndër 60 modelet e testuara, 47 morën numrin maksimal të yjeve. Vlerësimin më poshtë (katër yje) e kanë fituar 12 modele dhe zhgënjimi më i madh i këtij viti është Dacia Jogger me vetëm një yll.
Sipas rezultateve të EuroNCAP, veturat më të sigurta këtë vit janë Tesla Model S dhe Model Y. Vendi i tretë është Lexus RX, i cili ashtu si dy Teslat e përmendura nuk ka shfaqur dobësi në asnjë kategori.
Vendi i katërt i takon Mercedes EQE, sipas Auto Club.
Interesante, kinezi Wey Coffee (modelet 01 dhe 02) zuri vendin e pestë dhe të gjashtë, dhe kinezo-gjermani Smart i shtati. Në vendin e tetë është një tjetër makinë kineze – Nio ET7, dhe ndan pozicionin me Mercedes C-Class dhe Hyundai Ioniq 6.
