Kandidati për kryeministër nga Partia Demokratike e Kosovës, Bedri Hamza, e ka uruar për ditëlindje ish-kryetarin e partisë dhe ish-kryetar i Parlamentit të Kosovës, Kadri Veselin, i cili aktualisht po përballet me një proces gjyqësor në Hagë.
Përmes një postimi në Facebook, Hamza ka shkruar se Veseli kishte gjithmonë mision çlirimin dhe pavarësinë e vendit, qysh se nga koha kur ishte student, raporton Ekonomia Online.
“Urime ditëlindjen, Kadri! U kthefshi sa më shpejt në Kosovë, të lirë e krenarë”, ka shkruar ndër tjera ai.
Postimi i plotë:
Kjo nuk është ditëlindja e parë që Kadri Veseli po e kalon larg familjes dhe miqve. Festat për të, që kur ishte student kishin mision tjetër: çlirimin dhe pavarësinë.
Dhe, bashkë me shokë, ia dolën, siç do t’ia dalin edhe në betejën e fundit për pastërtinë e luftës së UÇK-së, për të vërtetën, për Kosovën!
Urime ditëlindjen, Kadri! U kthefshi sa më shpejt në Kosovë, të lirë e krenarë!
