Tym i dendur i zi dhe flakë janë parë pranë Aeroportit Ndërkombëtar “Mbreti Khalid” në Riad, konfirmoi një dëshmitar okular për agjencinë e lajmeve Reuters.
Sipas raportimeve të Reutersit, tymi dilte nga një depo karburanti që ishte vënë në shënjestër nga një sulm i Huthëve të Jemenit. Një gazetar i kësaj agjencie raportoi se në lagjen Olaya të Riadit ishin dëgjuar dy shpërthime të fuqishme.
Arabia Saudite është nën sulmet e Huthëve që nga orët e para të mëngjesit të së shtunës. Mbrojtja Civile saudite lëshoi paralajmërime për rrezik të mundshëm në kryeqytetin Riad dhe në qytetin Al-Kharj, që ndodhet në lindje të kryeqytetit. Pak kohë më vonë, autoritetet njoftuan përfundimin e rrezikut.
Këto janë paralajmërimet e para zyrtare të lëshuara për kryeqytetin që kur Huthët intensifikuan sulmet ndaj këtij vendi të Gjirit.
Paralajmërimet u dhanë disa orë pasi zëdhënësi ushtarak i Huthëve deklaroi se grupi kishte parandaluar disa “përpjekje kriminale” të paspecifikuara në kryeqytetin jemenas, Sana. Ai akuzoi Arabinë Saudite për këto përpjekje dhe paralajmëroi se grupi do të përgjigjej.
Zyra për media e qeverisë saudite nuk iu përgjigj menjëherë kërkesave për koment lidhur me zhvillimet pranë aeroportit dhe as nuk reagoi ndaj pretendimeve të Huthëve.
