Kryetari i AAK-së, Ramush Haradinaj, në shënimin e 24-vjetorit të themelimit të Aleancës në Klinë, ka deklaruar se kjo qeveri po e dëmton shtetin, si dhe ka futur vendin në varfëri e në zhgënjim të thellë.
“Sot kemi një qeveri që po e dëmton shtetin, qeveri e cila e ka tradhtuar besimin e secilit qytetar, pasi e solli të kundërtën e asaj që ka premtuar, duke e futur vendin në varfëri e qytetarët në zhgënjim të thellë”, ka thënë Haradinaa.
Lidhur me këtë deklaratë kanë reaguar deputetët e LVV-së.
Deputeti Halil Thaçi, në një prononcim për Gazeta Blic, ka thënë se këto deklarata nuk kanë kuptim, dhe gjithë qytetarët e dinë që nuk janë të vërteta.
“Deklarata të tilla nga opozita në veçanti nga AAK e LDK pas frikës për të hyrë në zgjedhje nuk kanë më kuptim”, u shpreh Thaçi.
