Pas publikimit të fotos së fundit të tifozit të vrarë të AEK-ut, tashmë është shfaqur një video që tregon momentet e tij të fundit, por edhe faktin që ai vetë ka marrë pjesë në trazira.
Mbrëmja e së hënës, 7 gusht, ora 23:05. Nga ky moment fillon numërimi mbrapsht për vdekjen e 29-vjeçarit Michalis Katsouris, momentet e vdekjes së të cilit janë kapur në video survejimin e kioskës para së cilës i plagosuri ra.
Në videon e publikuar fillimisht shihen tifozët e AEK-ut duke vrapuar drejt tifozëve të Dinamos dhe Michalis i rrethuar nga një rreth i kuq vrapon me një kaskë motorrike në kokë.
Pas pak çastesh, Michalis shfaqet duke vrapuar në drejtim të kundërt teksa njëri prej fansave e godet me shtyllë pas shpine.
07.08.2023, AEK Athens🇬🇷 vs BBB (Dinamo Zagreb🇭🇷), new video https://t.co/Fjy3xrlEmQ pic.twitter.com/xydMZvI4PM
— Hooligans.cz Official (@hooliganscz1999) August 14, 2023
Në orën 23:08:07, një 29-vjeçar është parë duke ecur i plagosur para një kioske në kryqëzimin e rrugëve Smyrni dhe Fokoni.
Rreth 10 minuta më vonë, Michalis rrëzohet nga gjakderdhja e pakontrolluar. Personi i panjohur që është me të përpiqet ta mbajë në këmbë, por nuk ia del.
Më në fund në orën 23:32 në vendngjarje ka mbërritur autoambulanca e cila e ka dërguar në spital, ku ka ndërruar jetë.
Ndërkohë sot ka nisur transferimi i të arrestuarve në burgjet në të gjithë Greqinë, pasi vendimet e djeshme u dhanë për ndalimin e 41 personave nga 105 huliganë kroatë të arrestuar, të cilët do të shpërndahen në 16 burgje në të gjithë Greqinë.
Kjo ua ka bërë realitet frikën më të madhe, duke pasur parasysh se prindërit e të arrestuarve në një letër drejtuar Qeverisë së Kroacisë dhe presidentit Zoran Milanoviq kanë apeluar që të gjithë të vendosen në një burg dhe të mos ndahen nga frika e një hakmarrjeje të mundshme.
