Kapiteni i Kombëtares së Bosnjës dhe Hercegovinës, Edin Džeko (37), ka folur pas revanshit të mbrëmshëm mes Manchester Cityt dhe Real Madridit dhe i ka dërguar një mesazh domethënës ish-klubit të tij nga Anglia.
Gjegjësisht, Dzeko ka publikuar dy fotografi, njëra në fanellën e klubit aktual të Interit, dhe tjetra nga koha kur luante për Cityn, i cili mbrëmë kishte caktuar finalen e Champions League kundër skuadrës së Milanit.
“Manchester City shihemi në Stamboll”, ka shkruar Dzeko i cili mund të ndihet krenar që dy klubet ku ka lënë gjurmë do të luftojnë për titullin e kampionit të Europës.
See you in Istanbul @ManCity 😍🔥#championsleague #final
Inter🆚ManCity 🏆@Inter pic.twitter.com/j9KZ4jjoAU— Edin Džeko (@EdDzeko) May 17, 2023
Në komente, tifozët e Cityt i kanë uruar fat Xhekut dhe i kanë treguar sa shumë e duan, por sigurisht me shpresën që në finalen e madhe klubi i tyre të jetë ai që do të dalë kampion i Europës.
Sulmuesi ynë luajti një nga rolet kryesore në sigurimin e finales më 10 qershor në Stamboll, teksa shënoi golin e parë të Interit në fitoren e parë gjysmëfinale 2-0 ndaj Milanit.
Nga ana tjetër, ai ka veshur fanellën e Manchester Cityt për katër sezone, nga viti 2011 deri në vitin 2015.
Tetë vjet më parë, ai u transferua te Roma, ku edhe bëri emër, dhe më pas iu bashkua Interit në verën e vitit 2021.
Dzeko shënoi 14 gola dhe regjistroi pesë asistime këtë sezon, duke përfshirë katër gola në 12 ndeshje të Champions League.
