Dodik thotë se nuk është ‘kërcënim’: Do shpallim pavarësinë e Srspka, nëse Schmidt sjell ligjin për pronë shtetërore

Presidenti i entitetit politik serb Republika Srpska Milorad Dodik, ka deklaruar sot në Banja ‘Luka se nuk do të hezitojë të shpallë pavarësinë duke ngritur tensionet edhe më në Bosnje e Hercegovinë e rajon

Dodik kishte ankesa se po u shkelka Marrëveshja e Dayton sipas tij nga Përfaqësuesi i Lartë Christian Schmidt, i cili nuk paska mandat sipas tij.

“Nuk po kërcënojmë, vetëm po konstatojmë se nuk ekziston përfaqësuesi i lartë, se kjo që po bëjnë është një fantazi, dhe nëse i rremi përfaqësues i lartë guxon e bën këtë, Republika Srpska nuk do ngurrojë të mbrojë të drejtën e vetë dhe të shpallë statusin e saj” u ka thënë Dodik gazetarëve.

Dodik vazhdoi me të tijën duke shtuar se nuk po ndërmarrin ndonjë “veprim në këtë aspekt, vetëm po e po bëjnë të ditur reagimin e mundshëm”.

I pyetur tutje nga gazetarët se kush do e mbështeste shpalljen e pavarësisë së Srpska’s, Dodik u përgjigj se “ka mbështetjen nga ky popull” duke shtuar se kjo paska peshën më të madhe.

Dodik më tej la të nënkuptohet se paska edhe mbështetjen nga jashtë, nga dikush që mund të flasë për ta në OKB.

“A do të kishim ulëse në OKB nuk është me rëndësi, nëse vijmë deri tek një situatë që për mua është hipotetike. Shikuar si hipotezë, Srspka edhe nuk ka nevojë të ketë ulëse në OKB, ka të tjerë që tashmë e kanë dhe që do na përfaqësojnë ”.

Presidenti serb Aleksandar Vucic është kritikuar rëndë për mbështetjen që po i jep Dodik, që është edhe në listë të zezë të SHBA’së si faktor destabilizues i rajonit.

Dodik thotë se nuk është ‘kërcënim’: Do shpallim pavarësinë e Srspka, nëse Schmidt sjell ligjin për pronë shtetërore

Të ngjajshmet