Një tifoz i Leyton Orient vdiq mbrëmë gjatë ndeshjes së ekipit të tij kundër Lincoln në nivelin e tretë të futbollit anglez. Gjithçka ndodhi në fund të ndeshjes.
Leyton ishte në epërsi 1:0 në fund të ndeshjes në Ligën angleze 1 (niveli i tretë i kompeticionit), dhe ndeshja u ndërpre në minutën e 84-të për shkak të një ngjarje tragjike.
Një nga tifozët e skuadrës vendase është rrëzuar në tribunë për shkak të një ataku kardiak. Kur e panë këtë, kolegët e tij nga tribuna vrapuan në fushë dhe u ulën për të ndërprerë ndeshjen dhe tifozi fatkeq mori ndihmën mjekësore.
Skenat e trishta të tifozëve të ulur në fushë me shpresën për të ndihmuar kolegun e tyre nga tribuna bënë shpejt xhiron e botës dhe në fund gjithçka përfundoi me një epilog edhe më të trishtuar pasi tifozi ndërroi jetë.
Shërbimet mjekësore u përpoqën ta ringjallën në buzë të fushës, por përfundimisht ai u shpall i vdekur.
“Ne u thirrëm në orën 21:28 të mbrëmjes së kaluar për të raportuar për një person të sëmurë në Brisbane Road. Ne dërguam një numër burimesh në vendngjarje, duke përfshirë një oficer të reagimit emergjent, dy mjekë në makina dhe një ekuipazh ambulance. Mjeku ynë i parë mbërriti në Rreth katër minuta. Ne e trajtuam njeriun në vendngjarje, por për fat të keq, pavarësisht përpjekjeve më të mira të ekipeve tona, ai më vonë u shpall i vdekur”, tha një zëdhënës i Shërbimit të Ambulancës në Londër.
Vdekja e tifozit u konfirmua nga Leyton Orient, dhe më pas ata falënderuan tifozët që vrapuan në fushë me shpresën për të shpëtuar kolegun e tyre nga tribuna.
