Skuadra angleze e Premierligës, Manchester City ka dënuar thirrjet fyese pas vdekjes së Sir Bobby Charlton, të cilat u dëgjuan në Etihad gjatë ndeshjes së së shtunës në Premiership kundër Brighton.
E gjithë kjo ndodhi para ndeshjes, kur u bë një homazh për ish të madhin e Manchester United dhe Anglisë, i cili vdiq të shtunën në moshën 86-vjeçare.
City i kërkoi falje familjes së Charlton dhe United për brohoritjen nga një numër i vogël individësh dhe premtoi se do të marrë masat më të rrepta kundër kujtdo që do të ishte i përfshirë.
The Premier League is appalled to hear reports of chanting related to Sir Bobby Charlton at yesterday’s game at Etihad Stadium.
We welcome Manchester City seeking information on those responsible and will support any subsequent action.
— Premier League (@premierleague) October 22, 2023
“City është jashtëzakonisht i zhgënjyer nga raportet për thirrjet abuzive drejtuar Sir Bobby Charlton nga një numër i vogël individësh në ndeshjen e Premiership të së shtunës kundër Brighton. Klubi i dënon këto thirrje në termat më të fortë të mundshëm dhe i kërkon falje pa rezervë familjes dhe miqve të Sir Bobby dhe të gjithëve në United. Në këtë ditë, kur i gjithë stadiumi nderoi legjendën tonë Francis Lee, tifozët e Mançester Sitit duhet të kuptojnë dhe vlerësojnë po aq sa të gjithë të tjerët nevojën për respekt. Ekspertët tanë të sigurisë po shqyrtojnë pamjet e CCTV në stadiume. Ne i jemi mirënjohës ata që tashmë kanë dalë dhe e kanë raportuar këtë rast”, kanë thënë nga City.Dhe drejtuesit e Ligës Angleze të Futbollit kanë mbështetur Manchester Cityn në një deklaratë zyrtare, ku po kërkojnë informacione për personat përgjegjës.
