Të shtunën në stadiumin Olimpik të Romës u luajt derbi i xhiros së 17-të të Serisë A italiane, Roma mposhti 2:0 Napolin dhe trajneri napolitan Walter Mazzarri përjetoi një skenë të pakëndshme pas ndeshjes.
Specialisti me përvojë u harrua nga skuadra në stadiumin ikonik dhe u largua nga Olimpico me autobus pa Mazzarrin, i cili mbeti aty.
Në videon e publikuar, Mazzarri shihet duke ecur i hutuar para stadiumit me një valixhe dhe një çantë në dorë dhe në fund i është dashur të kthehet me taksi në shtëpi.
Meqë ra fjala, Napoli i tij e përfundoi këtë ndeshje me nëntë lojtarë në fushë pasi Politano dhe Osimhen u përjashtuan, ndërsa Pellegrini dhe Lukaku i sollën fitoren Romës.
Kjo ishte vetëm një vazhdimësi e rezultateve të këqija këtë sezon për Napolin, i cili po mbron titullin kampion të Italisë, dhe aktualisht është vetëm në vendin e shtatë me 27 pikë, madje 17 më pak se lideri Inter. Roma është e gjashta me 28 pikë.
