Tridhjetë e pesë ushtarakë janë kthyer nga Ukraina si rezultat i shkëmbimit, tha Ministria ruse e Mbrojtjes
Ministria ruse e Mbrojtjes njoftoi një raund tjetër të shkëmbimit të të burgosurve të luftës me Ukrainën, transmeton Anadolu Agency (AA).
Tridhjetë e pesë ushtarakë janë kthyer nga Ukraina si rezultat i shkëmbimit, tha Ministria në një deklaratë.
“Ushtarët e liruar do të fluturojnë në Moskë me avion transporti ushtarak të Forcave Ajrore Ruse për t’iu nënshtruar trajtimit dhe rehabilitimit në institucionet mjekësore të Ministrisë së Mbrojtjes ruse”, thuhet në deklaratë.
“Të gjithë të liruarve u ofrohet ndihma e nevojshme mjekësore dhe psikologjike”, njoftohet më tej.
