Xhudistja kosovare, Nora Gjakova ka fituar luftën në gjysmëfinale, duke kaluar në finale e madhe në Grand Slamin që po mbahet në Baku të Azerbajxhanit. Në luftën e parë, xhudistja pejane ka mposhtur me ‘ippon’ gjeorgjianen Nino Loladze, ndërsa në luftën e dytë ka fituar me ‘pikë të artë’ ndaj Acejla Toprak të Azerbajxhanit.
Pas këtyre dy fitoreve, pejania kaloi në çerekfinale të Grand Slamit, ku u ndesh me xhudisten serbe, Marica Perishiç.
Edhe në këtë luftë, xhudistja jonë ishte e papërmbajtshme duke e mposhtur Perishiçin me ‘ëaza-ari’ dhe duke siguruar gjysmëfinalen.
Në gjysmëfinale, Nora ishte përsëri e madhe duke fituar edhe luftën ndaj holandezes, Xhuli Beurskens dhe duke kaluar në finalen e madhe. Me këtë fitore, xhudistja pejane e ka siguruar medaljen e argjendtë, por do të kërkoj me çdo kusht të artën. Në finale, kampionia olimpike do të ndeshet me kanadezen Krista Deguçi.
