Ikona e basketbollit Michael Jordan, i cili mbush 60 vjeç të premten, ka dhuruar deri në 10 milionë dollarë për Fondacionin Make-A-Wish America, donacioni më i madh i vetëm në historinë 43-vjeçare të organizatës.
Një prej basketbollistëve më të mirë të të gjitha kohërave dhuroi një shumë të madhe parash, sepse dëshira e tij për ditëlindjen ishte të realizonte dëshirat e shumë fëmijëve.
“Për 34 vitet e fundit, ka qenë një nder të bashkohem me Make-A-Wish dhe të ndihmoj për të sjellë buzëqeshje dhe lumturi për kaq shumë fëmijë. Të dëshmosh forcën dhe qëndrueshmërinë e tyre gjatë një periudhe kaq të vështirë në jetën e tyre ka qenë vërtet frymëzuese. Nuk mund të mendoj për një dhuratë më të mirë për ditëlindje sesa të shoh të tjerët se si ata bashkohen me mua në mbështetjen e Make-A-Wish, në mënyrë që çdo fëmijë të mund të përjetojë magjinë e realizimit të një dëshire”, tha Jordan, e cila ka pesë fëmijë.
A touch of class from Michael Jordan! 👏 https://t.co/5tXthZirHy
— Mirror Sport (@MirrorSport) February 15, 2023
Ndryshe, Make-A-Wish America realizon ëndrrat e fëmijëve të sëmurë dhe, sipas donatorëve, u japin fëmijëve forcë për të luftuar sëmundjet e tyre, për t’i afruar me familjet e tyre dhe për të bashkuar komunitete të tëra.
Jordan ka mbështetur Make-A-Wish që nga viti 1989 dhe mban titullin e Kryeambasadorit të Urimit.
“Michael u ka plotësuar qindra dëshira fëmijëve në mbarë botën, duke u bërë një nga plotësuesit më të kërkuar të dëshirave të të gjitha kohërave”, tha Make-A-Wish në një deklaratë.
