Një nga futbollistët më të mirë në botë, Kylian Mbappe, refuzoi një lëvizje në Arabinë Saudite që do ta bënte atë lojtarin më të paguar në historinë e futbollit.
Ditën e djeshme bota u trondit pasi Mbappes iu ofrua kontrata më e madhe në histori. Al-Hilal i ofroi PSG-së 300 milionë euro, por edhe kontratën më të madhe ndonjëherë për një futbollist francez.
Bëhet fjalë për shumën prej 200 milionë eurosh të fiksuara, plus 100% fitime nga të drejtat e marketingut të emrit të tij, të cilat sipas vlerësimeve të CBS Sports do të arrinin në 700 milionë euro të paprecedentë.
Kjo është gjithçka që Al-Hilal i ofroi Mbappes për vetëm një sezon. PSG e pranoi menjëherë ofertën, por Mbappe refuzoi të negocionte.
Sipas të nderuarit Fabrizio Romano, Mbappe sonte ka refuzuar fare të negociojë me Al-Hilal, edhe pse zyrtarët sauditë kanë mbërritur në Paris për bisedime. Ai e bëri të qartë se nuk dëshiron të shkojë në Arabinë Saudite sepse qëllimi i tij i vetëm është të qëndrojë në Evropë.
Besohet se Mbappe ka rënë dakord për kushtet e bashkëpunimit me Real Madridin dhe kjo ka qenë dëshira e lojtarit dhe e Klubit Mbretëror prej kohësh.
Despite Al Hilal delegation flying to Paris Kylian Mbappé has rejected to negotiate with Al Hilal ⛔️🇸🇦 #PSG
Mbappé has currently no intention to open talks despite €200m fixed salary proposal plus 100% image rights.
⚪️ PSG, convinced that Mbappé agreed terms with Real Madrid. pic.twitter.com/bsbF0zlreP
— Fabrizio Romano (@FabrizioRomano) July 26, 2023
