Fakti që futbolli shkruan histori të pabesueshme është dëshmi e fatit të Luka Modric dhe Arda Güler, të cilët këtë sezon do të luajnë së bashku në fanellën e Real Madridit.
Në vitin 2003, Modriç bëri debutimin e tij zyrtar në futbollin profesionist si anëtar i Zrinjskit të Mostarit dhe dy vjet më pas, një nga talentet më të mëdha të futbollit turk – Arda Güler – lindi në Turqi.
Tashmë dy lojtarët e përmendur, një turk 18-vjeçar dhe një kroat 38-vjeçar, do të luajnë së bashku në Real. Pikërisht për këtë po fliste i riu Güler, i cili tha se do ta shfrytëzojë sa më shumë kohën në Madrid për të mësuar nga bashkëlojtari i tij më i vjetër dhe më me përvojë.
“Të gjithë lojtarët e Realit janë shumë të rëndësishëm, por Modric është mesfushori më i mirë në botë, kështu që unë do të shfrytëzoj rastin të mësoj prej tij sa më shumë që të jetë e mundur. Mezi pres të mësoj dhe të luaj me të. Kam shumë respekt për të”, tha Güler.
Mediat spanjolle më herët shkruanin se ka qenë Modriq ai që ka “punuar” për transferimin e Gülerit te Reali, i cili dyshohet se i ka thënë babait të tij në një bisedë direkte telefonike se “dhjetë nga sezoni i ardhshëm janë të lirë dhe e presin”.
Ky 18-vjeçar doli në qendër të vëmendjes pas një sërë paraqitjesh mbresëlënëse në Superligën turke, si dhe për kombëtaren turke. Për shkak të paraqitjeve të tij, ai u quajt “Messi turk”.
