Aston Villa ka vendosur të ndërpresë kontratën me prodhuesin e fanellave Castore për shkak të problemeve të mëdha me të cilat përballen lojtarët.
Gjegjësisht, fanella e Aston Villas sivjet nuk thith djersën ashtu siç është menduar, kështu që pas vetëm disa minutash është aq e lagur saqë ngjitet në trup dhe lojtarët nuk mund të lëvizin lirshëm.
Ky ishte një problem veçanërisht për lojtarët e Aston Villas, tifozët e të cilëve shpesh herë pas ndeshjeve në rrjetet sociale “shpallnin bluza Miss Wet”.
Edhe pse Castore premtoi të bënte ndryshimet e nevojshme, pronari i Aston Villas, Nassef Sawiris vendosi të ndërpresë kontratën me Castore dhe të nënshkruajë një kontratë me Adidas.
Kjo nuk është për t’u habitur duke pasur parasysh se egjiptiani ka 8 për qind të aksioneve në Adidas dhe Aston Villa do t’i bashkohet emrave të mëdhenj të veshur nga kompania gjermane si Manchester United, Bayern Munich dhe Real Madrid.
Gjatë gjithë historisë, Aston Villa është veshur nga Nike, Kappa, Under Armour, Macron, Diadora, Reebok, Asics, Umbro dhe Hummel, dhe nga vera e vitit 2022 ata kishin një kontratë me kompaninë britanike Castore.
