Futbollisti i Juventusit, Paul Pogba, ka dështuar në testin e dopingut, njoftojnë mediat italiane.
Kjo ndodhi pas ndeshjes së parë të sezonit ndërmjet Udineses dhe Juventusit dhe testi i tij zbuloi një nivel të lartë të testosteronit, edhe pse ai nuk luajti në atë ndeshje.
Lajmi i rrjedhur nga qarqet e futbollit, u përhap mëngjesin e sotëm dhe u konfirmua nga ANSA.
BREAKING: According to news agency ANSA, Paul Pogba tested positive for testosterone in a standard doping test taken after Juventus played Udinese this season https://t.co/KZC1iFvJ0I #Juventus #SerieA #Pogba #SerieATIM #Calcio
— Football Italia (@footballitalia) September 11, 2023
Më pas mesfushori francez luajti në ndeshjet e mëposhtme kundër Bolonjës dhe Empolit, gjithsej 52 minuta.
Nëse rezultati i testit konfirmohet, Pogba mund të marrë një pezullim tre-vjeçar.
Pogba së fundmi është rikthyer nga një pushim i gjatë dëmtimi dhe ka thënë se është gati të rimarrë vendin e tij dhe të tregojë vlerën e tij te Juventusi, por pas kësaj shtrohet pyetja se çfarë do të ndodhë me karrierën e tij, e cila është rrënuar plotësisht.
