Edin Dzeko i ka kërkuar falje trajnerit të Fenerbahçes, Ismail Kartal për reagimin e tij të dhunshëm pasi u zëvendësua në ndeshjen kundër Adana Demirspor në fundjavë, raportojnë mediat turke.
Siç shkruan gazeta e respektuar Fanatik, Dzeko, i pakënaqur me zëvendësimin në minutën e 84-të, ka protestuar në momentin e largimit nga fusha dhe nuk i ka thënë lamtumirën Kartalit, por i vetëdijshëm për veprimet e tij ka vendosur t’i kërkojë falje trajnerit.
“Lëvizja që bëra kur u largova kurrë nuk kishte për qëllim ty. Performanca ime dhe mos arritja të shënoja më ndikuan që të jem nervoz dhe i mërzitur. Të mos jem në gjendje të kontribuoj për ekipin ushtronpresion mbi çdo lojtar.
Ndjeva se në skuadrat për të cilat kam luajtur më parë. Kur performanca ime ishte e tillë, kisha një reagim të tillë. Siç thashë, nuk doja të tregoja mungesë respekti”, i tha Dzeko trajnerit të tij.
Madje, pas ndeshjes, Dzeko ka publikuar një foto të përbashkët me Kartalin, e cila ka hequr të gjitha dyshimet për marrëdhënien e tyre.
Sulmuesi ynë, i cili u bashkua me Fenerbahçen në fillim të sezonit, luajti gjithsej 16 ndeshje zyrtare me fanellën verdheblu dhe 12 herë ka tundur rrjetën kundërshtare me shtatë asistime.
