Ish-tenistja franceze Angélique Cauchy tha se trajneri i saj Andrew Gueddes e përdhunoi deri në 400 herë në dy vjet kur ajo ishte fëmijë.
Cauchy vendosi të dilte përpara dhe të denonconte ferrin që kaloi kur ishte ende një shpresë e madhe tenisi. Ish-tenistja po dëshmon para gjyqtarit në gjyqin kundër ish-trajnerit të saj Andrew Gueddes, duke shpjeguar se ai e përdhunoi pothuajse 400 herë në dy vjet.
“Trajneri im i tenisit më përdhunoi pothuajse 400 herë në dy vjet”, ishte një nga frazat më tronditëse që ajo theksoi, duke kujtuar frikën që ndjeu teksa mendonte për 13 hapat që e ndanin nga dhoma e tij ku ai e përdhunoi.
🗣️ Las espeluznantes declaraciones de Angélique Cauchy, en el marco de una investigación sobre abusos a menores dentro de la Federación de Tenis de Francia:
"Él era de La Baule y durante el juicio conocí cuál era su mecanismo. Nos llevaba allí a sus víctimas para pasar a un… pic.twitter.com/vSy6pwQ8yA
— Diario Olé (@DiarioOle) September 14, 2023
“Kam jetuar dy javët më të këqija të jetës sime. Ai më përdhunonte tre herë në ditë. Natën e parë më kërkoi të shkoja në dhomën e tij dhe unë nuk shkova. Kështu ai hyri në timen. Më mbyllën dhe Nuk mund të dilja kur doja”, kujton Cauchy.
Në moshën 36-vjeçare, ish-tenistja mori guximin për të treguar ferrin që jetoi gjithë ato vite dhe ky vendim bëri që qeveria franceze të niste një hetim në Parlament.
“Ai filloi duke më sulmuar verbalisht. Unë u përpoqa të mbrohesha dhe i kërkova të ndalonte, duke përsëritur ditë pas dite: “Mos më prek, nuk është e drejtë. Nuk dua”. Trajneri u përgjigj në mënyrë cinike: ‘Mos u shqetëso, kjo ndodh shumë shpesh mes trajnerëve dhe vajzave të reja’. Kam jetuar midis moshës 13 dhe 18 vjeç duke menduar se kisha SIDA. Mendova shumë herë për vetëvrasje, ai më përdhunonte tre herë në ditë Kam pasur makthe, detin që më shkatërroi karrierën”, tha ish-tenistja.
Angélique Cauchy ishte një nga shpresat e mëdha të tenisit francez në fëmijërinë dhe rininë e saj dhe në moshën 12-vjeçare filloi të drejtohej nga Gueddes, i cili u dënua me 18 vjet burg për sulm dhe përdhunim tjetër të mitur në janar 2021.
