Klubi saudit Al-Ahli nuk po heq dorë nga futbollisti francez i Juventusit, Paul Pogba dhe i ka ofruar atij një kontratë edhe më të mirë, shkruan La Gazzetta dello Sport.
30-vjeçari Pogba ndezi thashethemet pasi vizitoi Jeddah së fundmi. Zyrtarisht bëhet fjalë për një udhëtim për arsye private, por raportohet se ka vizituar edhe ambientet e klubeve saudite Al-Ittihad dhe Al-Ahli.
Javën e kaluar, u shfaqën raporte se Al-Ahli i kishte ofruar një kontratë me vlerë 100 milionë euro, gjë që nuk e bindi, kështu që sauditët i kanë premtuar francezit një marrëveshje trevjeçare me vlerë 150 milionë euro.
Juventus thuhet se është gati të shesë Pogban për 10 milionë euro këtë verë vetëm për të shmangur pagën e tij vjetore prej rreth 8 milionë euro.
L’Equipe shkruan se Pogba nuk dëshiron të largohet nga Juventusi sepse dëshiron të imponohet te bardhezinjtë dhe të fitojë shpengim. Sezonin e kaluar ai luajti vetëm 161 minuta në gjithsej 10 paraqitje për Zonjën e Vjetër, për shkak të lëndimeve të shumta të rënda.
