Problemet afatgjata të gjumit mund të kenë një ndikim të madh në cilësinë e jetës dhe shëndetin tuaj të përgjithshëm. Prandaj, nëse prej disa kohësh keni probleme me gjumin, duhet të shkoni te mjeku për të zbuluar shkakun e vërtetë.
Gjumi cilësor dhe i rregullt është i rëndësishëm për funksionimin normal të trurit, por edhe për funksione të tjera në trup. Një raport i publikuar nga Harvard Health rendit gjashtë probleme befasuese shëndetësore që mund ta bëjnë gjumin të vështirë.
Diabeti
Diabeti është një sëmundje serioze që prek një numër të madh njerëzish në botë. Megjithatë, shumë njerëz pa e ditur po jetojnë me diabet sepse ende nuk janë diagnostikuar.
Sipas hulumtimeve, njerëzit me diabet, nivelet e sheqerit në gjak të të cilëve nuk janë nën kontroll, mund të kenë probleme që e bëjnë të vështirë gjumin. Këto probleme përfshijnë djersitje gjatë natës dhe urinim të shpeshtë.
Infrakt
Dështimi i zemrës ndodh kur zemra nuk mund të pompojë gjak në mënyrë të barabartë. Edhe pse më së shpeshti diagnostikohet tek të moshuarit, ekziston mundësia që edhe të rinjtë ta kenë atë.
Kjo gjendje mund të çojë në një grumbullim të lëngjeve rreth mushkërive. Të vuajturit më pas mund të zgjohen gjatë natës duke ndier gulçim sepse lëngjet grumbullohen në mushkëri ndërsa janë shtrirë.
Artriti
Artriti është një gjendje që shkakton dhimbje dhe inflamacion në nyjet e trupit. Mund ta bëjë të vështirë për njerëzit të bien në gjumë dhe të përshtaten kur ndryshojnë pozicionin. Përveç kësaj, ilaçet e përdorura për trajtimin e artritit mund të shkaktojnë gjithashtu pagjumësi.
Sëmundja e veshkave
Kjo gjendje mjekësore ndodh kur veshkat nuk filtrojnë mjaftueshëm substanca të dëmshme nga gjaku. Kjo do të thotë se këto substanca të dëmshme mbeten në trup, gjë që mund të çojë në pagjumësi ose të ashtuquajturën sindromën e këmbëve të shqetësuara.
Urinimi gjatë natës
Urinimi i natës ose nokturia ndodh kur pini më shumë ujë para se të shkoni në shtrat. Nuk është e rrezikshme nëse një person ngrihet për të urinuar deri në tre herë gjatë natës, por gjendja bëhet serioze nëse shkoni në tualet më shumë se pesë herë në një natë.
Sëmundjet e gjëndrës tiroide
Hipertiroidizmi ose një gjëndër tiroide tepër aktive mund të shkaktojnë probleme me gjumin. Kjo sëmundje stimulon tepër sistemin nervor, për shkak të të cilit mund të shqetësoheni dhe do ta keni më të vështirë të bini në gjumë.
