Leart Paqarada nuk lejohet të luajë për Kosovën

Pas Werder Bremen që njoftoi për Milot Rashicën, edhe FC St. Pauli ka njoftuar se nuk do të lejohet të luajë për Kosovën në ndeshjet e nëntorit.
FC St. Pauli ka njoftuar se Leart Paqarada nuk do të lejohet t’i bashkohet ekipit kombëtar të Kosovës për ndeshjet e këtij muaji, për shkak të kufizimeve të koronavirusit në qytetin gjerman.

Paqarada u ftua nga trajneri i Kosovës Bernard Challandes për ndeshjen miqësore kundër Shqipërisë më 11 nëntor në Elbasan dhe për dy ndeshjet e fundit në grup në Ligën e Kombeve kundër Sllovenisë në Lubjanë dhe ndaj Moldavisë në Prishtinë, por nuk do të jetë në gjendje të paraqitet, raporton Gazeta Express.

Kufizimet e vendosura nga autoritetet shëndetësore në Gjermani për mbrojtje ndaj Covid-19, e kanë shtyrë klubin gjerman të mos i lejojë lojtarët e vet t’u bashkohen Kombëtareve të tyre përkatëse, sipas mediave të shumta gjermane.

Më herët edhe Werderi konfirmoi se nuk do ta lejojë Paqaradën të luajë për Kosovën.

Kategoritë
LajmeSportVendi

Të ngjajshmet