Udhëheqësi çeçen Ramzan Kadyrov beson se presidenti rus Vladimir Putin nuk është plotësisht i vetëdijshëm për situatën në fushën e betejës në Ukrainë.
Ramzan Kadyrov kritikoi udhëheqjen e ushtrisë ruse pas një ofensive të papritur nga forcat ukrainase në verilindje të vendit. Ajo që është befasuese është deklarata e Kadyrov se ai beson se presidenti rus nuk është në dijeni të gjendjes së vërtetë të punëve dhe marrëdhënieve në terren.
Kadyrov vuri në dukje se komanda e ushtrisë ruse bëri gabime të mëdha dhe se shpreson se do të ndërmarrin hapat e duhur për t’i korrigjuar ato. Ai tha gjithashtu se nëse nuk ka ndryshime të mëdha strategjike në ditët në vijim, do të detyrohet të flasë personalisht me “udhëheqjen e vendit”.
Tani të gjithë sytë janë te Putini dhe nuk dihet ende se cili do të jetë reagimi i tij pas këtyre kritikave. Kjo deklaratë vjen vetëm pak ditë pasi Kadyrov njoftoi tërheqjen e tij dhe më pas ndryshoi shpejt mendjen. E gjithë kjo është një tregues i fortë se në Rusi ka trazira të mëdha, si në udhëheqjen politike, ashtu edhe në atë ushtarake.
Kujtojmë se është duke u zhvilluar një ofensivë e madhe nga forcat ukrainase, në të cilën brenda pak ditësh është çliruar një sipërfaqe prej gati 2000 kilometra katrorë.
