Një skandal i madh ndodhi në ndeshjen kualifikuese për turneun Masters në Cincinnati, kur një vajzë u dëbua nga tribuna për shkak se ishte mbështjellë me flamurin e Ukrainës.
Amerikania Lola, e cila jeton në Mason, një qytet afër Cincinnati, erdhi për të parë ndeshjen mes tenisteve ruse Anastasia Potapova dhe Anna Kalinskaya dhe vendosi të vishej posaçërisht për këtë rast në mënyrë që të mbështeste popullin ukrainas.
Lola u mbështjellë me flamurin ukrainas dhe mbante në kokë një vinok, një kurorë tradicionale ukrainase me lule.
Kur teniset e 54-ta dhe e 69-ta në botë panë Lolën në audiencë, menjëherë i kërkuan gjyqtares Morgana Lara që ta hidhte nga tribuna, raporton reporteri i New York Times, Ben Rothenberg.
Lara ndërpreu ndeshjen dhe shkoi të fliste me Lolën, e cila heshti gjatë gjithë ndeshjes.
“Nuk është mirë që je ulur i mbështjellë me flamur”, tha gjyqtari dhe nxitësi i tifozëve iu përgjigj: “Nuk është bukur të sulmosh vendin e dikujt tjetër”.
Video of some of this incident surfaced hours later on social media, via @trashytennispic.twitter.com/bYlFL38L9X
— Ben Rothenberg (@BenRothenberg) August 15, 2022
Gjyqtarja u kthye në karrigen e saj dhe më pas sigurimi, pavarësisht se spektatorët e tjerë në tribunë morën anën e Lolës, në mënyrë mjaft agresive e larguan vajzën nga kompleksi i tenisit.
Më pas Lola shkoi te shefi i sigurimit të turneut dhe u ankua dhe mori përgjigjen se “flamuri nuk ishte në madhësinë e përcaktuar” edhe pse është e qartë se sigurimi nuk e ka nxjerrë nga tribuna për shkak të kësaj.
Përkatësisht, në rregullore thuhet se madhësia maksimale e flamurit është 45×45 centimetra dhe i kanë ofruar asaj që ta lërë flamurin në veturë ose ta shkurtojë atë në madhësinë e përcaktuar.
Në fund Lola la flamurin dhe u kthye në kompleksin e tenisit.
E sa i përket vetë ndeshjes, Kalinskaja e fitoi në favor të saj me rezultatin 7:5, 6:1.
