Maqedonia legalizon marijuanën

Kryeministri i Maqedonisë Veriore, Zoran Zaev, njoftoi dekriminalizimin dhe legalizimin e marihuanës në destinacionet turistike, si pjesë e një pakete të re të masave ekonomike për të rritur ekonominë.

Në një intervistë me Deutsche Welle në gjuhën maqedonase, ai tha se dekriminalizimi dhe legalizimi i marihuanës “mund të ndihmojë turizmin dhe mikpritjen shumë” dhe se plani është ta kontrollojë atë si në Amsterdam.

“Ideja është që të jepet marihuanë në vendet turistike, përfshirë Shkupin, për të konsumuar marihuanë në kafenetë ekzistuese dhe ato të reja, të ketë standarde të caktuara të ventilimit dhe prova të origjinës së marihuanës,” tha Zaev.

“Besoj se kjo mund të sjellë një zhvillim serioz të hotelierisë dhe turizmit në një vend të vogël, duke pasur parasysh vendet tona të bukura turistike: Strugën, Ohrin, Resnjën, Dojran, Shkupin, Berovën, Mavrovën dhe të gjithë të tjerët”, tha Zaev.

Sipas tij, plani është nën debat publik dhe, nëse opinioni i përgjithshëm publik rezulton të jetë pozitiv, ligji për atë do të hartohet.

Kategoritë
LajmeRajoni

Të ngjajshmet