Kurti shkoi në Hamburg për të parë “kontrollin kulmor të mallrave” që bëhet me skaner me rreze X

Kryeministri i Kosovës Albin Kurti ka shkruar në Hamburg për të parë nga afër kontrollin kulmor të mallrave” që bëhet me skaner me rreze X.

AI ka marrë ftesë nga të përfaqësuesit të posaçëm të qeverisë gjermane për Ballkanin Perëndimor, Manuel Sarrazin.

Zyra e kryeministrit e ka transmetuar deklaratën e Kurtit pas arritjes në Hamburg.

“Jam këtu në Portin e Hamburgut me një delegacion nga Kosova, me ftesë të përfaqësuesit të posaçëm të qeverisë gjermane për Ballkanin Perëndimor, z. Manuel Sarrazin të cilin e falënderoj për mikpritjen e ngrohtë, për këtë vizitë e cila ka të bëjë me vëzhgimin dhe mësimin e këtij skanimi me rreze X që zhvillohet në portin e Hamburgut për kontejnerët, maunët, dhe transportuesit e tjerë”.

“Jemi të interesuar që të kemi tregti të sigurt andaj siguria në Kosovë nënkupton sigurinë e kufijve dhe sot në këtë vizitë po shohim se cilat janë edhe kushtet me të cilët qeveria gjermane do të ishte dakord që të na pajiste edhe neve me një skaner të këtillë me rreze X ashtu që të rritet siguria në kufijtë e Kosovës sa i përket mallrave që na hyjnë dhe gjithashtu të bëhemi pjesë e Evropës sa i përket mbikëqyrjes së kufijve dhe tregtisë së sigurt. E falënderoj edhe një herë z. Sarrazin për këtë mundësi në portin e Hamburgut ku bëhet kontrolli kulmor i mallrave sa i përket sigurisë”, ka thënë Kurti.

Kategoritë
BotaLajmeLajmet KryesoreVendi