Një pilot rus është dënuar me 12 vjet burg pasi u shpall fajtor për bombardimin e një stacioni radioteleviziv në qytetin verilindor të Kharkiv. Koloneli Maksim Krishtop nisi sulmin vitin e kaluar dhe u kap nga trupat pasi avioni i tij u rrëzua nga garda kombëtare e Ukrainës.
Ai bombardoi ndërtesën me tetë bomba ajrore FAB-500, përpara se të dilte nga avioni pasi u sulmua.
Stacioni i transmetimit, i cili përdorej vetëm për “funksione civile” dhe si “sistem alarmi publik”, u shkatërrua. “Shpresojmë që të gjithë kriminelët ushtarakë rusë do të marrin atë që meritojnë,” tha SSSCIP.
