Veteranët fillojnë të mblidhen për t’u nisur drejt Hagës

Veteranë të Ushtrisë Çlirimtare të Kosovës dhe shumë qytetarë të tjerë nga Kosova kanë filluar të grumbullohen për tu nisur drejt Holandës. Ata do të marrin pjesë në protestën e 14 shtatorit për të kërkuar drejtësi për ish-eprorët e UÇK-së që po gjykohen në Hagë.

Me këngë patriotike, rroba me motive ushtarake çlirimtare e me thirrjet për drejtësi, ata janë mbledhur në Komoran – rreth 25 kilometra larg kryeqytetit të Kosovës.

Janë shtatë autobusë që po nisen nga Kosova.

Shqiptarë nga Shtetet e Bashkuara dhe vende të ndryshme të Evropës do të udhëtojnë në Holandë për të marrë pjesë në një protestë masive që pritet të mbahet në afërsi të ndërtesës së Gjykatës Speciale.

Mërgata shqiptare është bërë bashkë në mbështetje të ish-eprorëve të UÇK-së, në një organizim më 14 shtator – një ditë para se të nis dëgjimi i dëshmitarit të parë të mbrojtjes.

Specialja, e cila i heton krimet e pretenduara të luftës, ka seli në Holandë dhe funksionon me staf ndërkombëtar, edhe pse e themeluar me ligje të Kosovës në vitin 2015.

Atje, ish-presidenti i Kosovës, Hashim Thaçi, ish-kryetarët e Kuvendit, Kadri Veseli dhe Jakup Krasniqi, si dhe ish-deputeti Rexhep Selimi ndodhen në një proces të tejzgjatur gjyqësor në Dhomat e Specializuara të Kosovës.

Veteranët fillojnë të mblidhen për t’u nisur drejt Hagës

Të Fundit

Më të Lexuarat

Të ngjajshmet

Ulutas përfundon mandatin: Siguria sot, shumë më e mirë se më 1999

Zemaj reagon ndaj deklaratës së Daçiqit për Prizrenin: Retorikë kërcënuese, kërkon reagim institucional nga NATO

Pse e djathta austriake kërkon tani rrëzimin e qeverisë: Rezultatet e sondazhit të fundit tronditën Austrinë

Bomba politike në Austri, e djathta përgatitet për rrëzimin e qeverisë: “Stalla e kuqe marksiste po tallet me qytetarët”