– “Alikhbariah” tha se dy predhat ranë në zona bujqësore në periferi të fshatit Beit Jinn.
Ushtria izraelite të enjten hodhi dy predha artilerie në periferi të një fshati në jugperëndim të Damaskut, raportoi televizioni sirian “Alikhbariah”, transmeton Anadolu.
Një korrespondent i “Alikhbariah” tha se dy predhat ranë në zona bujqësore në periferi të fshatit Beit Jinn.
Transmetuesi raportoi se forcat izraelite kishin hedhur gjithashtu të mërkurën tri predha artilerie në periferi të zonës së Digës Al-Mantara, në pjesën qendrore të provincës Quneitra.
Që nga rrëzimi i regjimit të Bashar al-Assadit në dhjetor 2024, Izraeli ka zgjeruar praninë e tij ushtarake në zonën tampon mes Sirisë dhe Lartësive të Golanit të pushtuara, si dhe ka avancuar në zona të jugut të Sirisë, pavarësisht Marrëveshjes së vitit 1974 për Ndarjen e Forcave.
Damasku ka kërkuar vazhdimisht tërheqjen e forcave izraelite nga territori sirian, duke thënë se inkursionet shkelin sovranitetin e vendit dhe marrëveshjen për ndarjen e forcave.
