“Çmimi do të jetë dukshëm më i ulët se ai që po i paguajmë aktualisht Kanadasë, një lajm shumë i mirë për bujqit dhe blegtorët tanë”, tha presidenti amerikan.
Presidenti amerikan Donald Trump tha të hënën se Washingtoni po punon për një marrëveshje “masive” për blerjen e potasës nga Bjellorusia me çmime që, sipas tij, do të jenë shumë më të ulëta se ato që SHBA-ja i paguan aktualisht Kanadasë, transmeton Anadolu.
“Çmimi do të jetë dukshëm më i ulët se ai që po i paguajmë aktualisht Kanadasë, një lajm shumë i mirë për bujqit dhe blegtorët tanë”, tha Trump në një postim në platformën e tij Truth Social.
Në postim nuk u dhanë detaje mbi kohën, vëllimet ose kushtet e marrëveshjes së propozuar, dhe as nuk u bë e ditur nëse Minsku ka rënë dakord për ndonjë marrëveshje.
Kanadaja është prodhuesi më i madh në botë i potasës dhe furnizuesi kryesor i SHBA-së me këtë përbërës të plehrave bujqësore.
Në vitin 2024, Kanadaja prodhoi rreth 25 milionë tonë potasë, ose 32,8 për qind të prodhimit botëror, ndërsa Bjellorusia renditej e treta me rreth 12,1 milionë tonë, ose 15,9 për qind, sipas Natural Resources Canada.
