Pas sulmeve të Iranit, disa qytetarë izraelitë që u larguan nga Izraeli drejt Francës, u përballën me reagime të ashpra në Paris. Ata u pritën me fishkëllima dhe brohoritje kundërshtuese.
Pas sulmeve të nisura nga Izraeli, Irani u kundërpërgjigj duke lëshuar disa raketa drejt Tel Avivit.
Në këtë situatë, një pjesë e banorëve të Tel Avivit u fshehën në strehimore, ndërsa të tjerë u larguan nga vendi, duke zgjedhur Francën si destinacion.
PROTESTA DHE FISHKËLLIMA NË PARIS
Izraelitët që mbërritën në Francë u përballën me protesta. Në aeroport, qytetarët francezë i pritën ata me fishkëllima dhe brohoritje kundërshtuese.
Pas reagimeve, disa nga izraelitët nisën të shanin dhe të krijonin kaos në ambientet e aeroportit.
Pamjet e momenteve kur shtetasit izraelitë shanin, u regjistruan nga të pranishmit në zonë.
ÇFARË KA NDODHUR DERI MË SOT
Më 13 qershor, Izraeli ndërmori një sulm të gjerë kundër Iranit, duke goditur objektet bërthamore në disa qytete si dhe strukturat komanduese të ushtrisë iraniane.
Në këto sulme humbën jetën Shefi i Shtabit të Përgjithshëm të Iranit, Komandanti i Gardës së Revolucionit dhe disa komandantë të tjerë të lartë, së bashku me 9 shkencëtarë bërthamorë. Bilanci i viktimave civile arriti në 224 persona.
Në kundërpërgjigje, ushtria iraniane goditi Izraelin me raketa balistike, ku sipas raportimeve u vranë 24 persona dhe mbi 500 të tjerë mbetën të plagosur.
Turqia, së bashku me shumë vende të tjera, dënoi ashpër veprimet e Izraelit.
