Shkruan: Dijar Latifi
Bota po shkon qartë drejt një procesi të ndryshimit të klimës. Kushdo që merr parasysh sistemet dhe madhësinë e saj mund të parashikojë se moti do të ndryshojë pasi ajsbergu më i madh në botë fillon të shkrihet.
Temperatura mesatare e Tokës po rritet, duke shkaktuar ndryshime të pazakonta në fenomenet e zakonshme të motit. Ne e quajmë këtë ndryshim klimatik. Për shembull, një rajon përjeton thatësirë ndërsa një rajon tjetër jo larg përjeton shira të dendur. E thjesht, ajri bëhet më i ngrohtë, ajri më i ngrohtë thith më shumë lagështi dhe erërat e nxehta fryjnë mbi tokën bujqësore, duke marrë edhe më shumë lagështi dhe duke e tharë atë.
Valët e nxehtësisë që shkaktojnë thatësira të zgjatura largojnë sasi të mëdha lagështie nga sipërfaqja e tokës gjatë kësaj kohe. Kjo lagështi grumbullohet në atmosferë, grumbullohet dhe shndërrohet në shi kur ndeshet me rrjedhën e ftohtë të ajrit dhe shkarkon të gjithë ngarkesën e tij në një çast.
Është edhe faktori “City Heat Island” që ndikon në këtë situatë sidomos në zonat e banuara, i referohet zonave të banuara që janë më të ngrohta se zonat rurale përreth. Temperatura mesatare e një qyteti me një milion banorë mund të jetë 1-3 gradë më e lartë se rajonet përreth dhe kjo diferencë mund të arrijë deri në 12 gradë gjatë natës. Kjo mund t’i kthejë qytetet në qendra “prodhuese” të stuhive të vetëtimave dhe shirave të dendur.
Ne prishim vetitë termike me ndryshimet që bëjmë në sipërfaqen e tokës, nxehtësia shtesë e krijuar nga kjo shkakton rritje vertikale të rrymave ajrore mbi qytet.
Nxehtësia e prodhuar nga aktivitetet njerëzore dhe e shtuar në atmosferën e poshtme.
Ndryshimi i sipërfaqes natyrore për shkak të strukturave në zonat e banuara, duke e kthyer atë në një sipërfaqe të ashpër dhe kjo ndikon në renditjen e rrymave të ajrit dhe shpërndarjen natyrale të nxehtësisë.
Grimcat e ndotjes mund të rrisin dendësinë e reve dhe madhësinë e pikave të shiut.
Natyrisht, nuk duhet të harrojmë përpjekjet tona për të parandaluar që uji i shiut të arrijë në det dhe të grumbullohet në qytet. Në një mjedis natyror, kur bie shi në tokë, një pjesë e ujit bie në shtratin e lumit ose të përroit dhe një pjesë e tij bie në tokë.
Toka thith një pjesë të saj dhe teprica rrjedh mbi sipërfaqen e pjerrët të tokës, duke arritur në shtratin e lumit ose të përroit, në përputhje me ligjin e gravitetit. Në një ose dy ditë, një pjesë e ujit të zhytur nga toka depërton përsëri në shtratin e lumit ose të përroit. Lumenjtë dhe përrenjtë veprojnë gjithashtu si shtigje që ky ujë të rrjedhë në dete dhe oqeane, të cilat janë rezervuarët kryesorë të planetit, dhe më pas uji avullon përsëri në sipërfaqen e detit, duke rifilluar ciklin.
Është e qartë se ne duhet të bëjmë gjithçka që mundemi për të parandaluar një prirje të tillë. Edhe nëse mendojmë për të pamundurën dhe e gjithë bota duhet të vendos dhe ne të fillojmë të hedhim hapat e duhur, përsëri do të na duhet të jetojmë me këto ngjarje ekstreme të motit për një kohë për shkak të dëmeve që i kemi bërë planetit deri tani.
