Presidenti i Serbisë, Aleksandar Vuçiq, ishte ndër udhëheqësit botërorë që qëndruan në sallën e Asamblesë së Përgjithshme të OKB-së gjatë fjalimit të kryeministrit izraelit, Benjamin Netanyahu.
Ndërsa dhjetëra delegacione u larguan nga salla gjatë fjalimit, Vuçiqi qëndroi në vendin e tij. Gjykata Penale Ndërkombëtare ka lëshuar urdhërarrest ndaj Netanyahut lidhur me akuzat për krime lufte në Gazë.
Në artikull, qëndrimi i Vuçiqit paraqitet si një tjetër tregues i afrimit të marrëdhënieve mes Serbisë dhe Izraelit. Bashkëpunimi mes dy vendeve përfshin edhe një projekt për ndërtimin e një fabrike në Serbi për prodhimin e dronëve izraelitë.
