Në një deklaratë të bërë nga ushtria izraelite, u njoftua se sistemet e mbrojtjes ajrore po përpiqeshin të parandalonin sulmet
Ushtria izraelite raportoi se ka zbuluar raketa të lëshuara nga Irani në territorin e vendit, transmeton Anadolu.
Në një deklaratë të bërë nga ushtria izraelite, u njoftua se sistemet e mbrojtjes ajrore po përpiqeshin të parandalonin sulmet.
Në deklaratë thuhet se njerëzit duhet të hyjnë në strehimore kur të bien alarmet dhe se duhet të ndiqen udhëzimet e Komandës së Frontit të Brendshëm.
Mediat izraelite raportuan se alarmet u aktivizuan në pjesët qendrore dhe veriore të vendit.
– Konflikti filloi me sulmet e dhunshme të Izraelit ndaj Iranit
Më 13 qershor, Izraeli nisi sulme në shkallë të gjerë duke synuar objektet bërthamore në qytete të ndryshme në Iran, si dhe komandën e lartë ushtarake.
Ndërkohë që Shefi i Shtabit të Iranit, Komandanti i Përgjithshëm i Gardës Revolucionare, disa komandantë të lartë dhe 9 shkencëtarë bërthamorë vdiqën në sulme, numri total i viktimave civile u njoftua si 224.
Raportohet se 24 persona u vranë dhe më shumë se 500 të tjerë u plagosën në hakmarrjen e ushtrisë iraniane kundër Izraelit me raketa balistike.
Shumë vende, përfshirë Turqia, dënuan sulmet e Izraelit.
