Turqia do të fillojë me dhënien e vaksinës ruse Sputnik V së shpejti

Krahas vaksinave SinoVac dhe BioNTech, në Turqi do të jepet edhe vaksina Sputnik V, tha ministri i Shëndetësisë Fahrettin Koca.

Turqia do të fillojë administrimin e vaksinës Sputnik V të Rusisë së shpejti, tha ministri i Shëndetësisë i vendit, raporton Anadolu Agency (AA).

Shkalla e infektimit me koronavirus ka rënë në të gjithë vendin, tha ministri Fahrettin Koca pas takimit të Komitetit Shkencor të Koronavirusit përmes videolidhjes.

Koca shtoi se varianti indian i virusit nuk është zbuluar ende në vend.

Ai gjithashtu tha se Turqia do të fillojë provat e Fazës 1 për vaksinën e saj të tretë potenciale të inaktivuar.

Sipas shifrave zyrtare, Turqia deri më tani ka administruar mbi 20,78 milionë vaksina kundër koronavirusit në gjithë vendin.

Vendi aktualisht jep vaksinat SinoVac dhe BioNTech.

Kategoritë
BotaLajme